Зинуллина Айсұлу Тұғұралықызы
Жақын жандардың жүрегінде із қалдырған, мейірімді жан туралы жарық естелік.
"Өмір – жылдармен емес, жүректерде қалдырған ізімен өлшенеді."
ӨМІРБАЯН
ЗИНУЛЛИНА АЙСҰЛУ ТҰҒҰРАЛЫҚЫЗЫ 1969 ЖЫЛЫ 3-ШІ ЖЕЛТОҚСАНДА ГУРЬЕВ ҚАЛАСЫНДА ТЕМІРЖОЛШЫ ОТБАСЫНДА 12 БАЛАНЫҢ 6-ШЫ БОЛЫП ДҮНИЕГЕ КЕЛДІ.
1976 ЖЫЛЫ ҚАЛАДАҒЫ СЕРГО ОРДЖЕНЕКИДЗЕ ОРТА МЕКТЕБІНЕ 1-ШІ СЫНЫПҚА БАРЫП ОНЫ 1986 ЖЫЛЫ ТӘМАМДАҒАН СОҢ, ПТШ – ОҚУ ОРТАЛЫҒЫНА ДҮКЕНШІ КАССИР МАМАНДЫҒЫНА ОҚЫДЫ.
1988 ЖЫЛЫ ЖОЛДАСЫ ЕРБОЛМЕН БАС ҚОСЫП,ШАҢЫРАҚ КӨТЕРДІ, ӨМІРГЕ МАҚПАЛ, ЖАДЫРА, БАУЫРЖАН ЕСІМДІ БАЛАЛАРДЫ ДҮНИЕГЕ ӘКЕЛІП, ЖОЛДАСЫ ЕРБОЛМЕН БАҚЫТТЫ ӨМІР СҮРДІ.
ҮЛКЕН ШАҢЫРАҚТА АТА-ЕНЕСІМЕН БІРГЕ ТҰРЫП, ӘУЛЕТТІҢ ҮЛКЕНДЕРІНЕН БАТА АЛҒАН СЫЙЛЫ КЕЛІН, СҮЙІКТІ ЖАР, АЯУЛЫ АНА АТАНДЫ.
2002-2003 ЖЫЛДАРЫ ҚАЛАНЫҢ МӘДЕНИЕТ БАСҚАРМАСЫНДА ҚЫЗМЕТ АТҚАРА ЖҮРІП, ЖОҒАРЫ ОҚУ ОРНЫНДА ОҚЫП, КЕЙІН БУХГАЛТЕР БОЛЫП ЕҢБЕК ЕТТІ.
2005-2007 ЖЫЛДАР АРАЛЫҒЫНДА АҚСАЙ СЕЛОЛЫҚ ӘКІМШІЛІГІНДЕ БАС ЕСЕПШІ БОЛЫП ҚЫЗМЕТ АТҚАРДЫ.
2007 ЖЫЛЫ КЕНЕТТЕН ДЕНСАУЛЫҒЫ СЫР БЕРІП, НАУҚАСТАНУЫНА БАЙЛАНЫСТЫ ЗЕЙНЕТКЕРЛІККЕ ШЫҚТЫ. ОСЫ АУРУМЕН ҰЗАҚ ЖЫЛДАР КҮРЕСЕ ЖҮРІП, ҚҰЛКЕШ ӘУЛЕТІНДЕГІ ЖАҚСЫЛЫҚТАР МЕН ҚИЫНДЫҚТЫҢ БӘРІНДЕ ҚОЛЫНАН КЕЛГЕНІНШЕ КӨМЕК ЖАСАП, ОРТАДАН ТАБЫЛАТЫН.
ҚЫЗДАРЫН ТҰРМЫСҚА БЕРІП, ҰЛЫН ҮЙЛЕНДІРІП ЖОЛДАСЫ ЕРБОЛМЕН ҚҰДА-ҚҰДАҒАЙ АТАНДЫ.
АТА-АНАСЫНАН ЕРТЕ АЙЫРЫЛҒАН ҚАЙЫНСІҢІЛІСІ ЖАНАТТЫ ДА ӨЗ БАУЫРЫНА АЛЫП ОҚЫТЫП, ҰЗАТЫП, АНАЛЫҚ ЖҮРЕГІМЕН АҚЫЛ-КЕҢЕСІН БЕРІП, КҮЙЕУ БАЛА ЕРЛАНМЕН БАҚЫТТЫ ШАҢЫРАҚ БОЛУЫНА ӨЗ ҮЛЕСІН ҚОСТЫ.
ҚАЙЫН АПАЛАРЫ МЕН ҚАЙНАҒА, АБЫСЫНДАРМЕН СЫЙЛАСТЫҚТА ӨМІР СҮРДІ.
АЙСҰЛУ ОН САУСАҒЫНАН ӨНЕРІ ТАМҒАН ШЕБЕР АСПАЗ БОЛҒАН. ШАҢЫРАҚТА БОЛҒАН ҚУАНЫШТЫ ЖАҒДАЙЛАРДА ДӘМДІ ТОРТТАРЫН, ТАҒАМ ТҮРЛЕРІН ПІСІРІП, ҮЛКЕННІҢ ДЕ, КІШІНІҢ ДЕ ЖАҚСЫ КӨРЕТІН, ІЗДЕП КЕЛЕТІН ЖАННЫҢ БІРІ БОЛҒАН.
АЛЫС-ЖАҚЫННАН КЕЛГЕН ТУЫСТАРДЫ ЖАЙДАРЛЫ МІНЕЗІМЕН ҚАРСЫ АЛЫП, ҮЛКЕНГЕ ҚҰРМЕТ, КІШІГЕ ҚАМҚОР БОЛА БІЛГЕН АЯУЛЫ ЖАР, СЫЙЛЫ КЕЛІН, ҰЛ-ҚЫЗДАРЫНЫҢ АРДАҚТЫ АНАСЫ, НЕМЕРЕ-ЖИЕНДЕРІНІҢ СҮЙІКТІ ӘЖЕСІ БОЛА БІЛГЕН АЙСҰЛУ ҰЗАҚ ЖЫЛҒЫ НАУҚАСТЫҢ ЗАРДАБЫН КӨП КӨРСЕ ДЕ МОЙЫМАЙ КҮРЕСЕ БІЛДІ.
БИЫЛҒЫ 2025 ЖЫЛДЫҢ 11 МАМЫРЫНДА ӨМІРДЕН ӨТТІ.
СҮЙІКТІ ЖАР, ҰРПАҒЫНЫҢ ЖАҚСЫ КӨРЕТІН АНАСЫ, ҚИМАС БАУЫР, СЫЙЛЫ КЕЛІН БОЛА БІЛГЕН АЙСҰЛУҒА: ЖАНЫҢ ЖАННАТТА БОЛСЫН, ИМАНЫҢ ЖОЛДАС БОЛСЫН. ҚОШ БОЛ ДЕЙМІЗ!